Προς Εφεσ. β΄ 4-10
| 4. | ο δε Θεός πλούσιος ων εν ελέει, δια την πολλήν αγάπην αυτού ην ηγάπησεν ημάς, |
| 5. | και όντας ημάς νεκρούς τοις παραπτώμασι συνεζωοποίησε τω Χριστώ· χάριτι έστε σεσωσμένοι· |
| 6. | και συνήγειρε και συνεκάθισεν εν τοις επουρανίοις εν Χριστώ Ιησού, |
| 7. | ίνα ενδείξηται εν τοις αιώσι τοις επερχομένοις τον υπερβάλλοντα πλούτον της χάριτος αυτού εν χρηστότητι εφ΄ ημάς εν Χριστώ Ιησού. |
| 8. | τη γαρ χάριτι έστε σεσωσμένοι δια της πίστεως και τούτο ουκ εξ υμών, Θεού το δώρον, |
| 9. | ουκ εξ έργων, ίνα μη τις καυχήσηται. |
| 10. | αυτού γαρ εσμέν ποίημα, κτισθέντες εν Χριστώ Ιησού επί έργοις αγαθοίς, οις προητοίμασεν ο Θεός ίνα εν αυτοίς περιπατήσωμεν. |
